«Әміре» фильмі қазақ тенорының 130-жылдығы мерейтойының қарсаңында Қазақстан Республикасы Мәдениет және спорт министрлігінің тапсырысы бойынша «Қазақфильм» АҚ-ы Алидар Өтемұратовпен бірлесе отырып түсірген болатын.
Аталмыш картинада қазақ өнерінің самұрығы – драмалық тенор Әміре Қашаубаевтың жарқын және белгісіз себептермен кенеттен үзілген өте қысқа өмірі жайында баяндалады. 1925 жылы музыкант «Exposition Internationale des Arts Decoratifs et Industries Modernes» аясында Париж қаласында өткізілген Дүниежүзілік музыкалық байқауда делегацияның артисі ретінде ерекше өнер көрсетіп, күміс медаль иеленеді. Сондай-ақ, Әміре Қашаубаев әлемде бірінші рет еуропалық қауымға қазақтардың вокалдық орындау өнерін және ұлттық аспап-домбыраны паш етті.
Фильмнің премьерасы 2018 жылдың 6-шы сәуір күні «Сарыжайлау» кинотеатрында өткізілді.
